![](https://fsunk-kos.org/wp-content/uploads/2021/06/kbvl.jpeg)
Në një ambient të mbushur me studentë dhe drejtues të sportit vendor, u ndanë shpërblimet për triumfuesit e Ligës Universitare në Futsal, Ligës Universitare në Pingpong dhe të Kampionatit në Beach Volley.
Pjesëmarrës në këtë aktivitet përmbyllës ishin: kryetarja e FSUNK-së, znj. Diellza Shaqiri – Kelmendi, anëtarët e Bordit Drejtues dhe sekretarja e Federatës Venita Smakaj, drejtori i Departamentit të Sportit në Ministrinë e Kulturës, Rinisë dhe Sportit, z. Fitim Arifi, nënkryetarja e Komitetit Olimpik të Kosovës, znj. Mimoza Shkodra, kryetari i Shoqatës së Gazetarëve Sportivë të Kosovës, z. Edmond Thaçi dhe përfaqësues të tjerë.
Liga Universitare e nisur me 5 mars 2020, dhe e pezulluar për një kohë si pasojë e pandemisë Covid-19, na ka shoqëruar gjatë tre muajve të kaluar, duke i mundësuar studentëve aktivitete në sportin në të cilin janë angazhuar, rrjetëzim dhe mundësi për të u promovuar më tepër vetiu, si ekip, por edhe për të promovuar sportin tek studentët, që përkon me vetë qëllimin e FSUNK-së.
Ekipi fitues i Ligës Universitare në Futsal është UP FEFS 2, ndërkaq golashënuesi i Ligës u zgjodh studenti Altin Imeri, me gjithsej 12 gola të shënuara.
Për suksesin e shënuar në Ligën Universitare në Pingpong, u shpërblyen: UP FEFS (Meshkujt) dhe UP FEFS (Femrat).
Ndërkaq, fituesit të cilët do të përfaqësojnë studentët kosovarë në Kampionatin e Sportit Universitar në Shqipëri, të cilët janë njëherësh fitues të Kampionatit të Beach Volleyt, janë: Dhurata Sylejmani dhe Valmira Ramadani – në konkurrencen e femrave, si dhe Arti Terstena dhe Ermal Maliqi – në konkurrencën e meshkujve.
E lumtur për organizimin e suksesshëm të këtyre aktiviteteve të rëndësishme për sportin universitar u shpreh presidentja Diellza Shaqiri-Kelmendi. Ajo theksoi që të gjitha këto aktivitete patën sfidat e tyre, por rezultati që dhanë, si dhe entuziazmi që lojërat falën tek studentët dhe organizatorët, paraqesin një sukses të radhës për FSUNK-në.
Federata falënderon studentët për vullnetin e shfaqur dhe suksesin e shënuar, universitetet partnere dhe të gjitha palët e përfshira në realizimin e suksesshëm të Ligave Universitare dhe të Kampionatit të BeachVolleyt. FSUNK-ja edhe më tutje do të vazhdoj me organizimin e aktiviteteve të tilla, të cilat synim parësor kanë promovimin e sportit në ambientet universitare.
![](https://fsunk-kos.org/wp-content/uploads/2021/06/131339411_2706966229594049_1770350830402876245_n-1024x768.jpg)
![](https://fsunk-kos.org/wp-content/uploads/2021/06/198769751_2706967732927232_8592653012190102401_n-1024x681.jpg)
![](https://fsunk-kos.org/wp-content/uploads/2021/06/198815886_2706967372927268_6149838901991014875_n-1024x681.jpg)
![](https://fsunk-kos.org/wp-content/uploads/2021/06/199088091_2706968142927191_5238118987539293098_n-768x1024.jpg)
![](https://fsunk-kos.org/wp-content/uploads/2021/06/199263269_2706968186260520_6354784416324861973_n-1024x768.jpg)
![](https://fsunk-kos.org/wp-content/uploads/2021/06/199387212_2706967636260575_8743266666412684437_n-1024x768.jpg)
![](https://fsunk-kos.org/wp-content/uploads/2021/06/199521315_2706967482927257_2874387538754304092_n-1024x681.jpg)
![](https://fsunk-kos.org/wp-content/uploads/2021/06/199774441_2706966652927340_6993654264982094406_n-1024x768.jpg)
![](https://fsunk-kos.org/wp-content/uploads/2021/06/200824786_2706965862927419_6124167893310130592_n-1024x651.jpg)
![](https://fsunk-kos.org/wp-content/uploads/2021/06/201122969_2706967986260540_8766364421758360019_n-1024x681.jpg)