Gjyqtari kosovar Shuajb Ferizi pjesë e EUG Salerno 2026
Federata e Sporteve Universitare e Kosovës shprehu krenarinë për përfshirjen e gjyqtarit kosovar Shuajb Ferizi në Kampionatin Evropian Universitar – EUG Salerno 2026, me propozimin e saj.
Shuajb Ferizi u angazhua në referimin e ndeshjeve të futsallit, duke kontribuar në mbarëvajtjen e garave të këtij eventi evropian.
Përzgjedhja e tij pasqyron angazhimin dhe përvojën në referim, ndërsa pjesëmarrja në një ngjarje të nivelit evropian përbën një mundësi për zhvillim të mëtejshëm profesional dhe përfaqësim të Kosovës në sportin universitar ndërkombëtar.
Federata i uroi Shuajb Ferizit suksese të mëtejshme gjatë kampionatit, duke vlerësuar potencialin e tij për të ardhmen.
19 korrik 2026
Nisje e suksesshme për ekipin e femrave në futsall
Kosova fiton në start të EUG Salerno 2026
Ekipi i femrave në futsall i Universitetit të Prishtinës e nisi me fitore pjesëmarrjen në European Universities Games – EUG Salerno 2026.
Në ndeshjen e parë të fazës së grupeve, ekipi i Universitetit të Prishtinës mposhti nikoqirët, Universitetin e Salernos, me rezultat 4:1.
Kjo fitore shënoi një nisje të mbarë për ekipin kosovar në garat evropiane. Në ndeshjen e radhës, Universiteti i Prishtinës do të përballej me University of Pécs nga Hungaria.
18 korrik 2026
Delegacioni i Kosovës në EUG Salerno 2026
Kosova përfaqësohet në dy disiplina sportive
Kosova është përfaqësuar në Lojërat Universitare Evropiane – EUG Salerno 2026, të zhvilluara në Salerno të Italisë, përmes pjesëmarrjes së Universitetit të Prishtinës në garat e futsallit për femra dhe padelit, si dhe angazhimit të kuadrove sportive kosovare në këtë ngjarje të rëndësishme ndërkombëtare.
Pjesëmarrja në EUG Salerno 2026 përbën një mundësi të rëndësishme për promovimin e sportit universitar të Kosovës, forcimin e bashkëpunimit ndërkombëtar dhe prezantimin e studentëve, sportistëve dhe profesionistëve tanë në arenën evropiane.
Federata e Sporteve Universitare e Kosovës prezantoi delegacionin që do ta përfaqësonte vendin në Lojërat Universitare Evropiane – EUG 2026, të zhvilluara në Salerno, Itali.
Kosova mori pjesë në disiplinat e padelit dhe futsallit për femra, me delegacionin e përbërë nga drejtues të federatës, anëtarë të bordit dhe trajnerë të ekipeve përkatëse.
Delegacioni udhëhiqej nga presidenti Musa Selimi dhe sekretari i përgjithshëm, njëherësh shef i delegacionit, Fidan Hamiti.
EUG Salerno 2026 u zhvillua nga 18 korriku deri më 1 gusht, duke mbledhur mbi 4,000 studentë-sportistë nga afro 200 universitete evropiane.
14 korrik 2026
