Presidenti i Federatës së Sportit Universitar të Kosovës, z. Musa Selimi, mori pjesë në Asamblenë e Përgjithshme të FISU-së, e cila u mbajt në qytetin e Düsseldorf-it në Gjermani.
Gjatë pjesëmarrjes atje, Presidenti Selimi pati kënaqësinë të takojë Presidentin e FISU-së, z. Leonz Eder, si dhe homologun nga Shqipëria, z. Besnik Veliu, duke forcuar edhe më shumë bashkëpunimin ndërshqiptar dhe atë ndërkombëtar në fushën e sportit universitar.
Në këtë asamble u theksua rëndësia e Lojërave Botërore Universitare Rhine-Ruhr 2025, ku pritet të marrin pjesë 900 studentë nga mbi 100 vende të botës, përfshirë edhe studentët tanë nga Kosova, të cilët do të përfaqësojnë vendin me krenari.
