Sportistët tanë kanë përfaqësuar me krenari vendin në disiplina të ndryshme sportive, duke u shpallur kampionë në shumicën e garave të mbajtura në Durrës.
♟️ Shah – Kampion mbarëkombëtar!
Ahmet Jusufi ka fituar titullin e kampionit në shah në Turneun Mbarëkombëtar “Shqipëri–Kosovë 2025”, duke mposhtur përfaqësuesin nga universitetet e Shqipërisë në një përballje të fortë intelektuale.
🥇 Urime për këtë sukses të madh në sportin e mendjes!
🏀 Basketboll 3×3 – Vajzat kampione!
Vajzat e Fakultetit të Edukimit Fizik dhe Sportit (FEFS 2) kanë triumfuar në finalen kundër ekipit të Shqipërisë me rezultatin bindës 17–11.
🏆 Ky sukses e kurorëzon punën e palodhur dhe shpirtin luftarak të vajzave tona!
🏀 Basketboll 3×3 – Djemtë shkëlqejnë në dramë sportive!
Në një përfundim dramatik, ekipi i djemve nga Kosova arriti të sigurojë fitoren me rezultat ngushtë 18–17 ndaj Shqipërisë.
Një ndeshje që tregoi vlerat dhe guximin e sportistëve tanë!
🏐
Beach Volley – Sukses i dyfishtë!
Në Ligën Universitare në Beach Volley:
🥇 Ermal Maliqi & Endrit Ndreca fituan vendin e parë pas një performance dominuese.
🥈 Jona Krasniqi & Sibora Gashani u renditën në vendin e dytë pas një gare të fortë dhe të barabartë.
👏 Urime të dy çifteve për rezultatet dhe shpirtin garues!
🎾 Tenis
Artin Bucaliu ka dalë fitues në finalen e tenisit universitar, duke mposhtur Luka Sako me rezultat 2:0 në sete.
🏆 Një fitore që e vendos Kosovën në majë të tenis-it universitar kombëtar.
🏓 Pingpong – Djemtë
Kejdi Kalaja shënoi fitore të pastër 3:0 ndaj Fatlind Bytyqit, duke u shpallur kampion në kategorinë e meshkujve.
Një paraqitje dominuese dhe plot vendosmëri!
🏓 Pingpong – Vajzat
Edhe në kategorinë e vajzave, Lenë Osmani tregoi forcë dhe teknikë, duke mposhtur Samanda Agollin me rezultat 3:1 në një ndeshje të luftuar.
Urime të gjithë pjesëmarrësve për sukseset dhe përfaqësim dinjitoz!
Kronika e përgatitur nga RTK na sjell detaje nga ky organizim, si dhe momentet më të bukura nga finalet e këtij turneu universitar.